ئازیز هه م دیسان ده روون پر خه مه ن
ویریو بالاکیو جه میشکم جه مه ن
مه بو ماوه یه ترکو دلمیت کرد
نه ک ته نیا دلم به لکو روحمت برد
بی خه وه ر حالان ماچان حیچ نه ویه ن
مه زانان دلم جه ده س به ر شیه ن
ئاه په ی جاریه وه دیارو دوسی
جه جوعمه نامیه فیرارو پوسی
فیدای تیشکی تیژ سیاو چه مه کت
دل بو به قوربان شه که ر ئه داکه ت
روحی ره وانم چی به و قولیو کرد
دلیو ره فیقان منت جودا کرد
خو تو فه ر ماوات جیات نمازو
دلیو دلمه نه یاگیت پی سازو
هه ناسه و ژینیم حه ر تو هه نی وبه س
مه ر سا که ، گردوون چنونیم نه فه س
ئاه..
روژیاری سوزان ئارویم تاریکه ن
تاقله موانو دونیام بیده نگه ن
گه ردوونی چه پ گه رد.. ده ک گله ییت بو
بیروحمی دلرق.. با به زه ییت بو
جه یو بریایمی که ردیمیت جیا
یانه ویکلانه م پرو که رد به لا
ئازیز وه مه رگت روژگارم تاره ن
به رزایی و ژینیم فره دژواره ن